தலைகீழ் அடமானம் என்றால் என்ன? அது மூத்த குடிமக்களுக்கு எவ்வாறு உதவுகிறது?
rimzim • February 18, 2021
கடனுக்காக தலைகீழ் அடமானம் (RML) இந்தியாவில் 2007 ஆம் ஆண்டு சொந்த வீடு வைத்திருக்கும் மூத்த குடிமக்களின் வாழ்வை வளப்படுத்த அறிமுகப்படுத்தப்பட்டது. உணவு, மருந்து, மற்றும் வீடு செப்பனிடுதல் போன்ற அன்றாட செலவுகளை எதிர்கொள்ள RML கடன் அவர்களுக்கு உதவுகிறது. இந்தியாவில் அதிகபட்ச மக்கள் தினசரி வருமானம் பெறும் வயதை கடந்து நிற்பதால் கடனுக்காக தலைகீழ் அடமானம் என்பது அவர்களுக்கு நம்பிக்கையளிக்கும் ஒன்று.
RML பெறும் குறைந்தபட்ச வயது 60. இதற்கு பாலின பாகுபாடு கிடையாது. ஒரு தம்பதி இணைந்து கடன் பெற விரும்பினால் அவர்களுக்கான வயது வரம்பு 55 அல்லது அதற்கு அதிகம். மூதாதையர் சொத்திற்கு ஈடாக RML வழங்கப்படாததால் விண்ணப்பதாரரின் பெயரிலேயே சொத்து இருத்தல் அவசியம். சொத்தின் மதிப்பை தீர்மானிக்க வங்கிகளும் மற்ற நிதி நிறுவனங்களும் பல்வேறு காரணிகளை அடிப்படையாக கொண்டுள்ளன. ஆனால் அதில் வாசிப்பு காலம் 20 ஆண்டுகளுக்கு குறையாமல் இருக்க வேண்டும்.
கடனுக்காக தலைகீழ் அடமானம் என்பது ஒரு தனித்துவமிக்க கடன். இதில் கடன் பெறுபவர் (வழக்கமாக மூத்த குடிமகன்) ஏற்கனவே ஒரு வங்கியில் அடமானம் வைத்திருக்கும் சொத்தை வேறொரு வங்கியில் அடமானம் வைக்கலாம். இந்த இரண்டாவது வங்கி அவருக்கு ஒரு மாத தொகையை தேவையான காலகட்டத்திற்கு வழங்குகிறது. இந்த கடனின் காலம் முழுதும் வங்கியே EMIக்களை செலுத்துவதால் இது தலைகீழ் அடமானம் என அழைக்கப்படுகிறது.
கடனுக்காக தலைகீழ் அடமானம் என்றால் என்ன?
கடனுக்காக தலைகீழ் அடமானம் என்பது ரொக்கம் தேவைப்படும் தங்கள் பெயரிலேயே சொத்துள்ள மூத்த குடிமக்கள் நிதி பெறும் ஒரு நல்ல வழியாகும். தங்களுக்கு ஏற்கனவே சொந்தமாயுள்ள சொத்தை அடமானம் வைப்பதன் மூலம் மூத்த குடிமக்கள் ஒரு வங்கியிலிருந்து பணம் கடன் பெறலாம். இது வங்கியினால் மாத தவணைகளாக பட்டுவாடா செய்யப்படுகிறது.
கடனுக்காக தலைகீழ் அடமானம் பெற தகுதி?
கடனுக்காக தலைகீழ் அடமானம் பெற தகுதி நிபந்தனைகள்:
- கடன் பெறுபவர் இந்திய பிரஜையாகவும் வயது 60 பூர்த்தியானவராகவும் இருக்க வேண்டும்.
- திருமணமான தம்பதிகள் இணைந்து விண்ணப்பிக்கலாம். ஒருவர் 60 வயதும் மற்றொருவர் 55 வயதும் பூர்த்தியானவர்களாக இருக்க வேண்டும்.
கடன் பெறுபவர் சுயமாக வாங்கிய, பிதுரார்ஜித அல்லது குடியிருப்பு சொத்தில் சுய-வசிப்பு செய்பவராக இருக்க வேண்டும். சொத்தின் உரிமை கடன் பெறுபவரின் பெயரில் இருப்பது தெளிவாக காட்டப்பட வேண்டும். இது எவ்வித வில்லங்கம், கடன் அல்லது வேறு சுமைகளற்று இருக்க வேண்டும்.
கடனுக்காக தலைகீழ் அடமானம் எவ்வாறு வேலை செய்கிறது?
- இணை பாதுகாப்பு: கடன் பெறுபவர் சொத்தை வங்கிக்கோ அல்லது நிதி நிறுவனத்திற்கோ இணை-உத்தரவாதமாக அடமானம் வைத்து சொத்தின் மதிப்பின் அடிப்படையில் கடன் பெறுகிறார்.
- மாதாந்திர பட்டுவாடாக்கள்: சொத்து அடமானம் வைக்கப்பட்ட பிறகு கடன் பெறுபவர் குறிப்பிட்ட கால இடைவெளிகளில் (மாதாந்திர, காலாண்டு, ஆண்டு அல்லது மொத்தமாக) தொகைகளை வங்கியிலிருந்து ஒரு குறிப்பிட்ட வட்டி விகிதத்தில் பெற்று கொள்ளலாம். வீட்டு கடன் போலல்லாமல் கடன் பெறுபவர் வட்டி மற்றும் அசலுக்காக மாதாமாதம் வங்கிக்கு பணம் செலுத்த தேவையில்லை. ஒரு குறிப்பிட்ட கடன் காலம் வரை கடன் வழங்குபவர் செய்யும் பட்டுவாடாக்கள் ‘தலைகீழ் EMI’ என்று அழைக்கப்படுகின்றன.
- சொத்து மதிப்பீடு: அடமானம் வைக்கப்பட்ட வீட்டின் விலை அதற்கான டிமான்ட், நடப்பு விலை, விலையில் ஏற்றத்தாழ்வுகள் மற்றும் வீட்டின் நிலையை பொறுத்து கடன் வழங்குபவர் தீர்மானிப்பார். அவர் ஐந்து ஆண்டுகளுக்கு ஒரு முறை இந்த சொத்தை மறு-மதிப்பீடு செய்து வீட்டின் மதிப்பில் சீரான ஏற்றமிருந்தால் கடன் தொகையை தக்கவாறு அதிகரிப்பார்.
- தொழில்: இந்த கடனுக்காக தலைகீழ் அடமான திட்டத்தில் சொத்தின் உரிமையாளர் (கடன் பெறுபவர்) அடமானம் வைக்கப்பட்ட வீட்டில் கடன் காலம் முழுதும் கால இடைவெளி அடிப்படையில் தொகைகள் பெறும்வரை முதன்மை வசிப்பிடமாக வசிக்க வேண்டும்.
- கடன் தொகை: இந்த திட்டத்தின் கீழ் வழங்கப்படும் அதிகபட்ச தொகை ரூ.50,000 ஆக நிர்ணயிக்கப்பட்டுள்ளது. எனவே உச்சவரம்பு தொகை ரூ.15 லட்சத்திற்கு மிகாமல் அதிகபட்சமாக முழு தொகையாக ஒட்டுமொத்த கடன் தொகையில் 50 சதவிகிதமாக பட்டுவாடா செய்யப்படும்.
- கடன் காலம்: அதிகபட்ச கடன் காலம் 10-15 ஆண்டுகள். இருந்தும் சில நிறுவனங்கள் 20 ஆண்டுகள் வரை கடன் வசதி வழங்குகின்றன. கடன் காலம் கழிந்தோ அல்லது கடன் பெறுபவர் கடன் காலத்தையும் தாண்டி உயிர் வாழ்ந்தால் கடன் நிறுவனம் மேற்கொண்டு எந்த கடனும் வழங்க மாட்டார். ஆனால் கடன் பெறுபவர் தொடர்ந்து அந்த வீட்டில் வசித்து வரலாம்.
- வட்டி விகிதங்கள்: வட்டி விகிதங்கள் கடன் பெறுபவர் கடன் வழங்குபவரிடமிருந்து பெறும் பட்டுவாடாக்கள் மீது வசூலிக்கப்படும். கடன் தொகை மீதான வட்டி தொகைகள் கடன் காலத்தின் இறுதிக்கு தள்ளி வைக்கப்படும் மற்றும் கடன் பெறுபவரால் நேரடியாகவோ மாத அடிப்படையிலோ செலுத்தப்படுவதில்லை. அடிப்படையில் தலைகீழ் அடமானம் அனைத்து கடன் மற்றும் வட்டி செலுத்தல்களை கடன் தொகை முதிர்வுறும் காலம் வரை ஒத்திப்போடப்படுகின்றன.
தலைகீழ் அடமான கடனுக்கு தேவையான ஆவணங்கள்:
தலைகீழ் அடமான கடன் பெற தேவையான ஆவணங்கள்:
- நிரந்தர கணக்கு எண் (PAN)
- ஆதார் அட்டை
- பதிவுசெய்யப்பட்ட உயில்
- சட்ட வாரிசுகளின் பட்டியல்
- சொத்து விவரங்கள்
வேறு யாரையும் சார்ந்து இல்லாமல் தங்கள் ஓய்வூதியத்தை முழுமையாக்க வழக்கமான வருமானம் தேவைப்படும் மூத்த குடிமக்களுக்கு தலைகீழ் அடமானம் என்பது ஒரு பொருத்தமான உபாயம். இருப்பினும், மூத்த குடிமக்கள் இதை ஒரு இறுதி வாய்ப்பாகத்தான் பார்க்க வேண்டும், ஒரு வழக்கமான நிதி ஆதாரமாக அல்ல.
இந்த கட்டுரையை வாட்சப்பில் பகிரவும்.
