ನಿಮ್ಮ ಕ್ರೆಡಿಟ್ ಸ್ಕೋರ್ ಅನ್ನು ಹೇಗೆ ಸುಧಾರಿಸುವುದು: ಕ್ರೆಡಿಟ್ ಸ್ಕೋರ್ ಸುಧಾರಿಸಲು 8 ಮಾರ್ಗಗಳು

ನಿಮ್ಮ ಕ್ರೆಡಿಟ್ ಇನ್‌ಫಾರ್ಮೇಷನ್ ರಿಪೋರ್ಟ್ (ಸಿಐಆರ್) ಸಾಲದ ಅರ್ಜಿ ಪ್ರಕ್ರಿಯೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ ಮತ್ತು ಆದ್ದರಿಂದ ಕಡಿಮೆ ಸ್ಕೋರ್ ಸಾಲದ ಅನುಮೋದನೆ ಪಡೆಯುವ ನಿಮ್ಮ ಅವಕಾಶಗಳ ಮೇಲೆ ಪರಿಣಾಮ ಬೀರುತ್ತದೆ. ಆದ್ದರಿಂದ, ನೀವು ಕೆಟ್ಟದಾದ ಕ್ರೆಡಿಟ್ ಇತಿಹಾಸವನ್ನು ಹೊಂದಿದ್ದರೆ ಮತ್ತು ನಿಮ್ಮ ಸಿಬಿಲ್ ಸ್ಕೋರ್ ಹೆಚ್ಚಿಸಲು ಬಯಸಿದರೆ ನೀವು ಹೊಂದಿರುವ ಸರಳವಾದ ಆಯ್ಕೆಗಳನ್ನು ತಿಳಿದುಕೊಳ್ಳುವುದು ಬಹಳ ಮುಖ್ಯವಾಗಿದೆ. ಒಂದು “ಕ್ರೆಡಿಟ್ ರಿಪೇರಿ” ಕಂಪನಿಯನ್ನು ಸಂಪರ್ಕಿಸಿ ದೊಡ್ಡ ಮೊತ್ತವನ್ನು ಪಾವತಿಸುವುದು ಸರಳ ಪರಿಹಾರವಲ್ಲದಿರಬಹುದು. ಸಿಬಿಲ್ ಯಾವುದೇ ಕ್ರೆಡಿಟ್ ರಿಪೇರಿ ಕಂಪನಿಗೆ ಸಂಬಂಧಿಸಿಲ್ಲ. ನಿಮ್ಮ ಕ್ರೆಡಿಟ್ ಸ್ಕೋರ್– ಸಾಲದಾತರು ನಿಮಗೆ ಕ್ರೆಡಿಟ್ ಕಾರ್ಡ್ ಅಥವಾ ಸಾಲ ನೀಡಿದರೆ ನೀವು ಸಮಯಕ್ಕೆ ಸರಿಯಾಗಿ ಮರುಪಾವತಿ ಮಾಡುವ ಸಾಧ್ಯತೆ ಎಷ್ಟಿದೆಯೆಂದು ತಿಳಿದುಕೊಳ್ಳಲು ಅವರಿಗೆ ಸಹಾಯ ಮಾಡುವ ಒಂದು  ಮೂರು-ಅಂಕಿಯ ಸಂಖ್ಯೆ – ನಿಮ್ಮ ಹಣಕಾಸಿನ ಜೀವನವನ್ನು ಪರಿಗಣಿಸಿದಲ್ಲಿ ಇದು ಬಹಳ ಮುಖ್ಯವಾಗಿದೆ. ನಿಮ್ಮ ಸ್ಕೋರ್‌ಗಳು ಹೆಚ್ಚಿದ್ದಷ್ಟೂ ನೀವು ಸಾಲ ಪಡೆಯುವ ಮತ್ತು ಕ್ರೆಡಿಟ್ ಕಾರ್ಡ್‌ಗಳಿಗೆ ತುಂಬಾ ಅನುಕೂಲಕರ ಷರತ್ತುಗಳಲ್ಲಿ ಅರ್ಹತೆ ಪಡೆಯುವ ಸಾಧ್ಯತೆ ಹೆಚ್ಚಿರುತ್ತದೆ, ಹಾಗೂ ಅದು ನಿಮಗೆ ಹಣ ಉಳಿಸುತ್ತದೆ.

ನೀವು ನಿಮ್ಮ ಕ್ರೆಡಿಟ್ ಸ್ಕೋರ್ ಅನ್ನು ಹೆಚ್ಚಿಸಬಯಸಿದರೆ, ನೀವು ಮಾಡಬಹುದಾದ ಅನೇಕ ಸುಲಭವಾದ ಕೆಲಸಗಳಿವೆ. ಇದು ಸ್ವಲ್ಪ ಪ್ರಮಾಣದ ಪ್ರಯತ್ನ ಮತ್ತು ಸಹಜವಾಗಿಯೇ ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ. ಸುಧಾರಿತ ಕ್ರೆಡಿಟ್ ಸ್ಕೋರ್ ಅನ್ನು ಸಾಧಿಸಲು ಒಂದು ಹಂತ-ಹಂತದ ಮಾರ್ಗದರ್ಶಿ ಇಲ್ಲಿದೆ.

1. ನಿಮ್ಮ ಎಲ್ಲಾ ಬಿಲ್‌ಗಳನ್ನು ಸಮಯಕ್ಕೆ ಸರಿಯಾಗಿ ಪಾವತಿಸಿ: ಸಾಲದಾತರು ನಿಮ್ಮ ಕ್ರೆಡಿಟ್ ವರದಿಯನ್ನು ಪರಿಶೀಲಿಸಿ ನಿಮಗಾಗಿ ಒಂದು ಕ್ರೆಡಿಟ್ ಸ್ಕೋರ್ ಅನ್ನು ವಿನಂತಿಸಿದಾಗ, ನಿಮ್ಮ ಬಿಲ್‌ಗಳನ್ನು ನೀವು ಎಷ್ಟು ವಿಶ್ವಾಸಾರ್ಹವಾಗಿ ಪಾವತಿಸುತ್ತೀರಿ ಎಂಬುದರ ಬಗ್ಗೆ ಅವರಿಗೆ ತುಂಬಾ ಕುತೂಹಲವಿರುತ್ತದೆ. ಏಕೆಂದರೆ ನಿಮ್ಮ ಹಿಂದಿನ ಪಾವತಿ ಕಾರ್ಯಕ್ಷಮತೆಯನ್ನು ಸಾಮಾನ್ಯವಾಗಿ ಭವಿಷ್ಯದ ಕಾರ್ಯಕ್ಷಮತೆಯ ಪ್ರಾಮಾಣಿಕ ಮುನ್ಸೂಚಕವೆಂದು ಪರಿಗಣಿಸಲಾಗುತ್ತದೆ. ನೀವು ಪ್ರತಿ ತಿಂಗಳು ಒಪ್ಪಿಕೊಂಡಂತೆ ನಿಮ್ಮ ಎಲ್ಲಾ ಬಿಲ್‌ಗಳನ್ನು ಸಮಯಕ್ಕೆ ಸರಿಯಾಗಿ ಪಾವತಿಸುವ ಮೂಲಕ ನೀವು ಈ ಕ್ರೆಡಿಟ್ ಸ್ಕೋರಿಂಗ್ ಅನ್ನು ಧನಾತ್ಮಕವಾಗಿ ಪ್ರಭಾವಿಸಬಹುದು. ತಡವಾಗಿ ಪಾವತಿಸುವುದು ಅಥವಾ ನೀವು ಮೂಲತಃ ಪಾವತಿಸಲು ಒಪ್ಪಿಕೊಂಡಿದ್ದಕ್ಕಿಂತ ಕಡಿಮೆ ಹಣ ಪಾವತಿಸುವುದು ಕ್ರೆಡಿಟ್ ಸ್ಕೋರ್‌ಗಳ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ.
2. ನಿಮ್ಮ ಕ್ರೆಡಿಟ್ ಕಾರ್ಡ್ ಬ್ಯಾಲೆನ್ಸ್ ಅನ್ನು ತೆಗೆದುಹಾಕಿ: ನೀವು ಮಾಡುವ ಎರಡನೆಯ ಕೆಲಸವೆಂದರೆ ಆ ಕ್ರೆಡಿಟ್ ಕಾರ್ಡ್ ಬಾಕಿಗಳನ್ನು ತೀರಿಸುವುದಾಗಿದೆ. ಬಿಲ್ಲಿಂಗ್ ದಿನಾಂಕದೊಳಗೆ ನೀವು ಮರುಪಾವತಿ ಮಾಡುವಷ್ಟು ಹಣವನ್ನು ಮಾತ್ರ ಖರ್ಚು ಮಾಡಿ. ಬ್ಯಾಲೆನ್ಸ್ ಎಂದರೆ, ಸಾಲಗಳು ಮತ್ತು ಇಎಂಐಗಳ ಮೇಲೆ ಪಾವತಿಸದ ಯಾವುದೇ ಬಾಕಿಗಳೂ ಸಹ ಆಗಿರುತ್ತವೆ. ನಿಮ್ಮ ಸಾಲದಾತರೊಂದಿಗೆ ಮಾತಾಡಿ ಮತ್ತು ಯಾವುದೇ ಪಾವತಿಸದ ಬಾಕಿಗಳನ್ನು ಪಾವತಿಸುವ ಮೂಲಕ ನಿಮ್ಮ ಸಾಲದ ಖಾತೆಯನ್ನು ಕೊನೆಗೊಳಿಸಲು ಮಾತುಕತೆ ನಡೆಸಿ. ಕ್ರೆಡಿಟ್ ಕಾರ್ಡ್‌ಗಳಲ್ಲಿ ಇಂತಹ ಪಾವತಿಸದ ಬಾಕಿ ಅಥವಾ ಮೊತ್ತವು ನಿಮ್ಮ ಸ್ಕೋರ್ ಅನ್ನು ಕೆಳಕ್ಕೆಳೆಯುತ್ತದೆ. ಈ ಮೊತ್ತವನ್ನು ಪಾವತಿಸುವುದು ನಿಮ್ಮ ಸಿಬಿಲ್ ಅಥವಾ ಕ್ರೆಡಿಟ್ ಸ್ಕೋರ್ ಮೇಲೆ ಧನಾತ್ಮಕ ಪರಿಣಾಮ ಬೀರುತ್ತದೆ. ಅಲ್ಲದೆ, ಕೇವಲ ಒಂದು ಅಥವಾ ಎರಡು ಕ್ರೆಡಿಟ್ ಕಾರ್ಡ್‌ಗಳನ್ನು ಹೊಂದಿದ್ದಲ್ಲಿ ಮರುಪಾವತಿಯ ಜಾಡು ಇಟ್ಟುಕೊಳ್ಳುವುದು ನಿಮಗೆ ಸುಲಭವಾಗುತ್ತದೆ.
3. ಆಡಿಟ್ ಕ್ರೆಡಿಟ್ ರಿಯಲೈಸೇಷನ್ ಅನುಪಾತ: ನೀವು ಖರೀದಿಸುವ ಎಲ್ಲವನ್ನೂ ಖರೀದಿಸಲು ಕ್ರೆಡಿಟ್ ಕಾರ್ಡ್‌ಗಳನ್ನು ಬಳಸುವುದು ಅಲಂಕಾರಿಕವೆಂದು ಕಂಡರೂ, ಅದು ನಿಮಗೆ ಒಂದೆರಡು ರಿವಾರ್ಡ್ ಪಾಯಿಂಟ್‌ಗಳು / ಕ್ಯಾಶ್‌ಬ್ಯಾಕ್ ಅನ್ನು ಸಹ ನೀಡುತ್ತದೆ. ಆದರೆ ನಿಮ್ಮ ಕಾರ್ಡ್‌ನಲ್ಲಿ ಲಭ್ಯವಿರುವ ಕ್ರೆಡಿಟ್ ಮಿತಿಯ 30% ಅಥವಾ ಅದಕ್ಕಿಂತ ಕಡಿಮೆ ಒಳಗೆ ಕ್ರೆಡಿಟ್ ಬಳಕೆಯ ಅನುಪಾತವನ್ನು ಹೊಂದಿರಲು ಶಿಫಾರಸು ಮಾಡಲಾಗಿದೆ. ಈ ನಿಯಮವು ನಿಮ್ಮ ಕ್ರೆಡಿಟ್ ಸ್ಕೋರ್ ಹೆಚ್ಚಿಸಲು ಮತ್ತು ನಿರ್ವಹಿಸಲು ಸಕಾರಾತ್ಮಕ ಪರಿಣಾಮ ಬೀರಬಹುದು. ಕಡಿಮೆ-ಬ್ಯಾಲೆನ್ಸ್ ಇರುವ ಕ್ರೆಡಿಟ್ ಕಾರ್ಡ್ ಬಳಕೆಯ ಇತಿಹಾಸವು ಆರೋಗ್ಯಕರ ಸಿಬಿಲ್ ಸ್ಕೋರ್ ಅನ್ನು ಪ್ರತಿಬಿಂಬಿಸುತ್ತದೆ.
4. ಬ್ಯಾಂಕಿನೊಂದಿಗೆ ಸಂಪರ್ಕ ಸಾಧಿಸಿ: ನಿಮ್ಮ ಪರಿಸ್ಥಿತಿ ಕಠಿಣವಾಗಿದ್ದರೆ ಮತ್ತು ನಿಮ್ಮ ಸಾಲಗಳು / ಕ್ರೆಡಿಟ್ ಕಾರ್ಡ್ ಬಿಲ್‌ಗಳನ್ನು ಸಮಯಕ್ಕೆ ಪಾವತಿಸಲು ಸಾಧ್ಯವಾಗದಿದ್ದರೆ, ಸುಮ್ಮನಿರಬೇಡಿ. ಕಂತುಗಳನ್ನು ಸಮಯಕ್ಕೆ ಪಾವತಿಸಲು ನಿಮಗೆ ಏಕೆ ಸಾಧ್ಯವಾಗುತ್ತಿಲ್ಲವೆಂದು ತಿಳಿಸಲು ಬ್ಯಾಂಕ್‌ಗೆ ಭೇಟಿ ನೀಡಿ ಮತ್ತು ನಿಮ್ಮ ಕಷ್ಟಗಳನ್ನು ಅವರಿಗೆ ತಿಳಿಸಿ. ನೀವು ಬ್ಯಾಂಕಿನೊಂದಿಗೆ ಉತ್ತಮವಾದ, ಸುಸ್ಥಿತಿಯಲ್ಲಿರುವ ಸಂಬಂಧ ಹೊಂದಿದ್ದರೆ, ಬ್ಯಾಂಕ್ ನಿಮ್ಮ ಪರಿಸ್ಥಿತಿಯನ್ನು ವಿಶ್ಲೇಷಿಸುತ್ತದೆ ಮತ್ತು ಪಾವತಿಗಳನ್ನು ಮುಂದೂಡಲು ನಿಮಗೆ ಅವಕಾಶ ನೀಡುತ್ತದೆ. ತಪ್ಪಿದ ಪಾವತಿಗಳು ನಿಮ್ಮ ಕ್ರೆಡಿಟ್ ಸ್ಕೋರ್‌ಗೆ ಅಡ್ಡಿಯಾಗದಂತೆ ಬ್ಯಾಂಕ್ ಕೆಲವು ಹೊಂದಾಣಿಕೆಗಳನ್ನೂ ಮಾಡಬಹುದು.
5. ತಪ್ಪುಗಳಿಗಾಗಿ ವಿಶ್ಲೇಷಿಸಿ: ನಿಮ್ಮ ಹಣಕಾಸಿನ ನಡವಳಿಕೆಯು ಯಾವಾಗಲೂ ಕಡಿಮೆ ಕ್ರೆಡಿಟ್ ಸ್ಕೋರ್‌ಗೆ ನೆಪವಾಗಬಾರದು. ನಿಮ್ಮ ಕ್ರೆಡಿಟ್ ಇತಿಹಾಸದ ಮಾಹಿತಿಯಲ್ಲೂ ದೋಷಗಳಿರಬಹುದು, ಹಾಗೂ ಇದರ ಪರಿಣಾಮವಾಗಿ ವರದಿಯಲ್ಲಿ ಕಡಿಮೆ ಅಂಕ ಬರಬಹುದು. ನಿಮ್ಮ ಸಿಬಿಲ್ ವರದಿಯನ್ನು ದೋಷಗಳಿಗಾಗಿ ಪರಿಶೀಲಿಸಿ; ನಿಮಗೇನಾದ್ರೂ ಕಂಡುಬಂದರೆ, ನೀವು ಅದಕ್ಕೆ ಸವಾಲು ಹಾಕಬಹುದು. ಅಧಿಕಾರಿಗಳು ವಿವರಗಳನ್ನು ಪರಿಶೀಲಿಸುತ್ತಾರೆ ಮತ್ತು ನಿಮ್ಮ ವರದಿಯಲ್ಲಿ ಅಗತ್ಯವಿರುವ ಬದಲಾವಣೆಗಳನ್ನು ಮಾಡುತ್ತಾರೆ. ನಿಮ್ಮ ಹೆಸರಿನಲ್ಲಿರುವ ಕಾಗುಣಿತದಲ್ಲಿನ ದೋಷ ಅಥವಾ ಕಾಣೆಯಾದ / ಹೆಚ್ಚುವರಿ ವಹಿವಾಟು ಸ್ಕೋರ್ ಅನ್ನು ತಪ್ಪಾದ ರೀತಿಯಲ್ಲಿ ತಿರುಗಿಸಬಹುದು.
6. ಯಾವುದೇ ಕ್ರೆಡಿಟ್ ಕಾರ್ಡ್ ಅನ್ನು ತ್ಯಜಿಸಬೇಡಿ: ಸಮಯ ಕಳೆದಂತೆ, ನೀವು ಉನ್ನತ-ಮಟ್ಟದ ಕ್ರೆಡಿಟ್ ಕಾರ್ಡ್‌ಗಳನ್ನು ಖರೀದಿಸಿ ನೀವು ಮೊದಲು ಹೊಂದಿದ್ದ, ಮೂಲಭೂತ ಕಾರ್ಡ್ ಬಳಸುವುದನ್ನು ನಿಲ್ಲಿಸಿರಬಹುದು. ಕ್ರೆಡಿಟ್ ಕಾರ್ಡ್ ಖಾತೆಯನ್ನು ಬಳಸದಿದ್ದಲ್ಲಿ ಅದನ್ನು ಮುಚ್ಚುವುದು ಒಳ್ಳೆಯದೆಂದು ಕೆಲವರು ಭಾವಿಸಬಹುದು. ಆದರೆ, ಈ ನಿರ್ಧಾರವು ನಿಮ್ಮ ಕ್ರೆಡಿಟ್ ಸ್ಕೋರ್ ಮೇಲೆ ಪರಿಣಾಮ ಬೀರಬಹುದು. ಕ್ರೆಡಿಟ್ ರೇಟಿಂಗ್ ಏಜೆನ್ಸಿಗಳು ಮತ್ತು ಸಾಲದಾತರು ಈ ಕಾರ್ಯವನ್ನು ನೀವು ವಿಭಿನ್ನ ಕ್ರೆಡಿಟ್ ಲೈನ್‌ಗಳನ್ನು ನಿರ್ವಹಿಸಲು ಅಸಮರ್ಥರೆಂದು ಪರಿಗಣಿಸುತ್ತಾರೆ. ನಿಮ್ಮ ಕಾರ್ಡ್ ಕೆಲಸ ಮಾಡುತ್ತಿರುವಂತೆ ಮಾತ್ರವೇ ವಹಿವಾಟನ್ನು ಮಾಡಬೇಕಾದರೂ ನೀವು ಹೊಂದಿರುವ ಎಲ್ಲಾ ಕ್ರೆಡಿಟ್ ಕಾರ್ಡ್‌ಗಳನ್ನು ಬಳಸುವುದನ್ನು ಮುಂದುವರಿಸುವಂತೆ ಶಿಫಾರಸು ಮಾಡಲಾಗಿದೆ. ನಿಮ್ಮ ಕ್ರೆಡಿಟ್ ಸ್ಕೋರ್ ಅನ್ನು ಸುಧಾರಿಸುವಲ್ಲಿ ನೀವು ಬಳಸುತ್ತಿರುವ ಕ್ರೆಡಿಟ್ ಕಾರ್ಡ್‌ಗಳ ಸಂಖ್ಯೆ ಮತ್ತು ಸೌಲಭ್ಯಗಳು ಗಣನೆಗೆ ಬರುತ್ತವೆ.
7. ಸಹಾಯ ಮಾಡುವಂತೆ ಸ್ನೇಹಿತರು ಅಥವಾ ಸಂಬಂಧಿಯನ್ನು ಕೇಳಿ: ನಿಮ್ಮ ಕ್ರೆಡಿಟ್ ಇತಿಹಾಸದ ಉದ್ದವು ನಿಮ್ಮ ಕ್ರೆಡಿಟ್ ಸ್ಕೋರ್‌ನಲ್ಲಿ ಪಾತ್ರ ವಹಿಸುತ್ತದೆ. FICO ನಿಮ್ಮ ಕ್ರೆಡಿಟ್ ಸ್ಕೋರ್‌ನ 15 ಪ್ರತಿಶತವನ್ನು ನಿಮ್ಮ ಹಳೆಯ ಖಾತೆಯ ವಯಸ್ಸು ಮತ್ತು ಎಲ್ಲಾ ಖಾತೆಗಳ ಸರಾಸರಿ ವಯಸ್ಸಿನಂತಹ ಅಂಶಗಳ ಮೇಲೆ ಆಧರಿಸುತ್ತದೆ. ಎಲ್ಲಕ್ಕಿಂತ ಹಳೆಯದು ಎಲ್ಲಕ್ಕಿಂತ ಒಳ್ಳೆಯದು. ಅನೇಕ ಸಂದರ್ಭಗಳಲ್ಲಿ, ಈ ವರ್ಗದಲ್ಲಿ ನಿಮ್ಮ ಕ್ರೆಡಿಟ್ ಸ್ಕೋರ್‌ ಹೆಚ್ಚಾಗಲು ನೀವು ಸುಮ್ಮನೇ ಕುಳಿತು ಕಾದರೂ ಸಾಕು. ಆದರೂ, ನಿಮ್ಮ ಉತ್ತಮವಾಗಿ ನಡೆಸಿಕೊಂಡ ಒಂದು ಕ್ರೆಡಿಟ್ ಕಾರ್ಡ್ ಖಾತೆಯನ್ನು ನಿಮ್ಮ ಪ್ರೀತಿಪಾತ್ರರಿಗೆ ನೀಡಿದರೆ, ನೀವು ಸಹಾಯ ಕೇಳಲು ಸಿದ್ಧರಾಗಿದ್ದೀರಿ. ಯಾರಾದರೂ ಪರಿಚಯಸ್ಥರು ಅಥವಾ ಸಂಬಂಧಿಕರು ನಿಮ್ಮನ್ನು ಒಂದು ಅಸ್ತಿತ್ವದಲ್ಲಿರುವ ಕ್ರೆಡಿಟ್ ಕಾರ್ಡ್‌ಗೆ ಪರವಾನಗಿ ಪಡೆದ ಬಳಕೆದಾರರಾಗಿ ಸೇರಿಸಿದರೆ, ಅದು ನಿಮ್ಮ ಕ್ರೆಡಿಟ್ ಇತಿಹಾಸವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಖಾತೆಯು ಉತ್ತಮ ಸ್ಥಿತಿಯಲ್ಲಿದೆಯೆಂದು ಅಂದುಕೊಂಡಲ್ಲಿ (ಉದಾಹರಣೆಗೆ, ಸಮಯಕ್ಕೆ ಸರಿಯಾಗಿ ಪಾವತಿ ಮತ್ತು ಕಡಿಮೆ ಕ್ರೆಡಿಟ್ ಬಳಕೆ), ಪರವಾನಗಿ ಪಡೆದ ಬಳಕೆದಾರರಾಗುವುದರಿಂದ ನಿಮ್ಮ ವರದಿಯಲ್ಲಿ ಆ ಖಾತೆ ಕಂಡುಬಂದಾಗ ನಿಮ್ಮ ಸ್ಕೋರ್ ಸುಧಾರಿಸಬಹುದು.
8. ಅಸಲಿ ವಿಷಯ: ನೀವು ಒಂದೇ ರಾತ್ರಿಯಲ್ಲಿ ಆದರ್ಶ 850 ಕ್ರೆಡಿಟ್ ಸ್ಕೋರ್ ಗಳಿಸುವುದಿಲ್ಲ. ಆದರೂ ಸರಿಯಾದ ದಿಕ್ಕಿನಲ್ಲಿನ ಪ್ರತಿಯೊಂದು ಹೆಜ್ಜೆಯೂ ಪ್ರಯೋಜನಗಳನ್ನು ತರಬಹುದು. ನೀವು ಕೆಟ್ಟ ಕ್ರೆಡಿಟ್‌ನಿಂದ ಸೂಕ್ತ ಕ್ರೆಡಿಟ್‌ಗೆ ಹಾಗೂ ನಂತರ ಉತ್ತಮ ಕ್ರೆಡಿಟ್‌ಗೆ ಹೋಗುತ್ತಿರುವಂತೆ, ನೀವು ಸಾಕಷ್ಟು ಹಣ ಉಳಿಸಲು ಪ್ರಾರಂಭಿಸುತ್ತೀರಿ ಮತ್ತು ಹೆಚ್ಚಿನ ಅವಕಾಶಗಳ ಲಾಭ ಪಡೆಯುತ್ತೀರಿ. ಅತ್ಯುತ್ತಮ ಸ್ಕೋರ್ ಸಾಧಿಸಲು ಮತ್ತು ಉಳಿಸಿಕೊಳ್ಳಲು ಸರಳ ಮಾರ್ಗವೆಂದರೆ ಒಳ್ಳೆಯ ದೀರ್ಘಕಾಲೀನ ಸಾಲದ ಅಭ್ಯಾಸವನ್ನು ಬೆಳೆಸಿಕೊಳ್ಳುವುದಾಗಿದೆ. ನಿಮ್ಮ ಬಾಕಿಗಳನ್ನು ಸಮಯಕ್ಕೆ ಸರಿಯಾಗಿ ಪಾವತಿಸಿ, ಕಡಿಮೆ ಬಳಕೆಯ ದರವನ್ನು ಇರಿಸಿಕೊಳ್ಳಿ ಮತ್ತು ನೀವು ಬಯಸಿದಲ್ಲಿ ಮಾತ್ರ ಸಾಲಕ್ಕೆ ಅರ್ಜಿ ಸಲ್ಲಿಸಿ. ಈ ಮುಖ್ಯವಾದ ನಿಯಮಗಳನ್ನು ನೀವು ಅನುಸರಿಸಿದರೆ, ನಿಮ್ಮ ಸ್ಕೋರ್ ಕಾಲಾನಂತರದಲ್ಲಿ ಸುಧಾರಿಸಬೇಕು.

ಈ ಲೇಖನವನ್ನು ವಾಟ್ಸಾಪ್‌ನಲ್ಲಿ ಹಂಚಿಕೊಳ್ಳಿ .